სასწავლო პროექტის გეგმა

1.პროექტის სახელწოდება:
        რეალური სამომხმარებლო კალათა.დღევანდელი სამომხმარებლო კალათის ღრებულება რეალურად და სტატისტიკური მონაცემების მიხედვით.
 2.პროექტის მთავარი იდეა(თემა) 1–2 წინადადებით:
       გამოკითხვების საფუძველზე საშუალო სოციალური მდგომარეობის მქონე ოჯახის საკვები პროდუქტების აუცილებელი დღიური ნორმის, ანუ მინიმალური სამომხმარებლო კალათის შემადგენლობის განსაზღვრა და მისი ღირებულების დადგენა რეალური საბაზრო ფასების მიხედვით.
3.პროექტის აქტუალობა: 
       ხშრად ისმის ჩივილი იმასთან დაკავშირებით, რომ რეალურად საკვები პროდუქტების განსაზღვრული რაოდენობა არ შეესაბამება ადამიანის მოთხოვნილებებს. 4.პროექტის მიზნები: 
       პროექტის მიზანია განსაზღვრონ მომხმარებელთა გამოკითხვის მიხედვით მათ მიერ რეალურად მოხმარებული პროდუქტების ჩამონათვალი და ამის მიხედვით დაადგინონ მინიმალური სამომხმარებლო კალათის რეალური ღრებულება. შესძლონ მათი ოჯახის თვიური შემოსავლის მიხედვით სამომხმარებლო კალათის შემადგენელი პროდუქტების და მისი ღირებულების განსაზღვრა.
 5.მონაწილეთა ასაკი:
       VIII კლასი
6.ვადები/ხანგრძლივობა: 
      1 თვე
7.მოსალოდნელი შედეგები/პროდუქტები, რაც შეიძლება შეიქმნას:
       გამოკითხვის შედეგები ცხრილების და დიაგრამების სახით.
 8.პროექტისთვის საჭირო ძირითადი რესურსები:
       მოსახლეობის გამოკითხვა (დაახლოებით 20 ოჯახი) და პროდუქტების ფასების დადგენა სავაჭრო ცენტრებში.ინტერნეტით შესაბამისი სტატისტიკური მონაცემების მოძიება.
 9.პროექტის მსვლელობა (ძირითადი აქტივობები):
I ჯგუფი: ჩაატარებს გამოკითხვას საშუალო სოციალური მდგომარეობის მქონე ოჯახის ყოველდღიურად მოხმარებადი საკვები პროდუქტების ნუსხის დასადგენად.
 II ჯგუფი: გამოკითხვის შედეგად დაადგენს საშუალოზე მაღალი სოციალური მდგომარეობის მქონე ოჯახის სამომხმარებლო კალათის შემადგენლობას.
 III ჯგუფი: გამოკითხვის შედეგად დაადგენს საშუალოზე დაბალი სოციალური მდგომარეობის მქონე ოჯახის სამომხმარებლო კალათის შემადგენლობას.
 IV ჯგუფი: დაადგენს, თუ რა ფასები აქვს ზემოთჩამოთვლილი ოჯახების მიერ მოხმარებულ საკვებ პროდუქტებს სამომხმარებლო ბაზარზე.
  V ჯგუფი: შეაჯერებს I,II,III,IV ჯგუფების მიერ მოპოვებულ ინფორმაციას და განსაზღვრავს საშუალოდ იმ პროდუტების ჩამონათვალს , რომელსაც მოიხმარენ გამოკითხული ოჯახები და მათ ღირბულებას. შემდეგ ჯგუფები მოაწყობენ პრეზენტაციას: თითოეული ჯგუფი მის მიერ მოპოვებული ინფორმაციის საფუძველზე წარმოადგენს დასკვნას.შეაფასებენ სტატისტიკური მონაცემებით მინიმალური სამომხმარებლო კალათის ღირებულებას და მათ მიერ მიღებულ შედეგს. დაადგენენ მათი ოჯახების თვიური შემოსავლის მიხედვით მინიმალური სამომხმარებლო კალათის შემადგენლობასა და მის ღირებულებას. 
მოცემული პროექტის საშუალებით მოსწავლეები უფრო ღრმად შეისწავლიან მონაცემთა ანალიზისა და სტატისტიკის ელემენტებს. შესძლებენ მონაცემთა კლასიფიკაციას. მათი სიხშირეთა ცხრილებით, დიაგრამებით წარმოდგენას,სიხშირეთა ცხრილებისა და დიაგრამების ანალიზს და მათი აგებისას ტექნოლოგიების გამოყენებაში გაწაფვას. გამოუმუშავდებათ მონაცემების დამოუკიდებლად მოძიების, მოძიებული მასალის საფუძველზე პრობლემის დასმის,მისი გადაჭრის საშუალებების ძიების უნარი,რაც ხელს შეუწყობს თეორიულად მიღებული ცოდნის ყოველდღიურობაში პრაქტიკულად გამოყენების უნარის განვითარებას.
 11.პროექტის ხელმძღვანელი(მასწავლებელი):ლელა მაზიაშვილი. 12.ხელმძღვანელის ელ.ფოსტა:lela.maziashvili@gmail.com 
13.პროექტის ვებ–გვერდი/ბლოგი:lelamaziashvili.blogspot.com